Hyttemanual

Viss du bur fleire dagar på hytta, brukar mykje straum og/eller det er lite sol/vind, kan batteriet bli heilt tomt. Eit tomt batteri blir ikkje lada opp av sol eller vind. Då må du lada med aggregat.

Bensinaggregatet står i den utvendige bua.

1. Bruk ei stropp til å tvinga døra til bua til å stå open.
2. Dra aggregatet heilt bort til døropninga, slik at eksosen kjem ut.
3. Set bensinkranen (A) til ON, ved å vri kranen ned.
4. Vri choken (B) til venstre.
5. Set tenninga (C) på ON.
6. Dra hardt og bestemt i startsnora (D).
7. Når motoren har starta: Set choken (B) straks tilbake til høgre igjen.
8. La motoren gå i 5–10 minutt. Set differensial-brytaren (E) til ON.
9. Skru på batteriladaren (F), som står i teknisk skap.
10. Når du har lada ferdig: Skru av, i denne rekkefølgjen, batteriladar (F), differensial (E), tenning (C) bensinkran (A).

Hugs: 230 V-omformaren må vera skrudd på for at kjøleskapet skal fungera.

Temperaturen er førehands-programmert til 5 °C, og denne skal du ikkje endra.

1. Trykk på On/Off-knappen (A) på sjølve kjøleskapet.
2. Kjøleskapet er på når du ser temperaturen i displayet (B).
3. Når du reiser: Tøm kjøleskapet, la døra stå open og trykk og hold inne On/Off-knappen (A).

Skru toalettet av og på

1. Løft av det kvite plastlokket (A) på toppen av toalettet.
2. Skru toalettet på med ON-knappen (B).
3. Når du reiser, skru av toalettet med OFF-knappen (C).

Etterfylla vatn

1. Løft av det kvite plastlokket (A) på toppen av toalettet.
2. Ta av det kvite lokket (D).
3. Vatn kan hentast frå vasskranen ute på terrassen.
4. Fyll på vatn i tanken. Bruk gjerne den svarte sila viss vatnet er skittent.
5. Følg med på vassnivået under opphaldet og etterfyll ved behov.

• Gassflaska (A) står i skuffa til venstre for komfyren.
• Set på regulatoren (B) og vri brytaren på flaska til på (ON).
• Dersom komfyren eller steikeomnen ikkje tenner etter ca. 10 sekund:
• Trykk inn den litle koparfarga knappen (C) mellom regulatoren og slangen 4–5 gonger, og prøv igjen.
• Trykk inn og vri på riktig brytar på komfyren for å tenna. Du skal høyra tikkelyd frå tenninga.
• Hald inne i nokre sekund til flammen brenn stødig.
• Vri på brytaren for å regulera effekten eller temperaturen.
• Slå av ved å vri brytaren tilbake til null.
• ⚠️ ALLTID steng gassen og ta av regulatoren etter bruk.

Gassdetektoren heng på veggen til venstre for gassflaska, og varslar ved lekkasje.

Dersom du luktar gass: Steng og kopla frå regulatoren straks. Opna vindauge og dører. Ikkje bruk gnister eller open eld.

• Det står ein solventilator (A) i gangen. Ikkje dekk til ventilen! Denne går av seg sjølv – la den leva sitt eige liv. 
• Solventilatoren i stova (B) står på AUTO. Då bles den inn varmluft med full styrke når sola skin.
• Dersom lyden er plagsam: Trykk MODE (C) éin gong for å redusera viftehastigheit/støy (D).
• For å setja tilbake til AUTO, trykk éin gong til på MODE (C).

• Det er ikkje kjeldesortering av hytteavfall.
• Samla panteflasker og -boksar i ein eigen pose, og pant dei i ein daglegvarebutikk.
• Restavfallet samlar du i avfallsposar, og leverer i kontainer for hytterenovasjon.
• Skal du vidare mot nordaust: Det finst éin hyttekontainer i Bjørheimsbygda – ved Ryfylke Veterankjøretøyklubb – ca. 8 km frå hytta. (59.071073, 6.019257)
• Skal du vidare mot sørvest: Det finst éin hyttekontainer på Kvam, ca. 10 km frå hytta. (59.066250, 5.946229)

• Det er ikkje innlagt vatn i hytta.
• Vatn til dusjen fyller du i den blå plastbøtta som står mellom vasken og dusjen. Éi bøtte (ca. 10 liter) per person bør vera passeleg.
• Vatnet kan varmast i kjele på gasskomfyren, eller på vedomnen viss du fyrer i omnen.
• Alternativt kan du bruka vassvarmaren (A) som står ute i boden.
• Eller: ta eit bad i Lauvåstjørna (B) eller Lauvåsvatnet (C) – mykje enklare og friskare!