Romsleg fjellhytte i naturskjønne omgjevnader ved Lauvåstjernet i Holtaheia.

Planteikning

Toalett

Stova

Kjøkkenet

Spiseområdet

Yttergang

Innergang

Soverom 1

Soverom 2

Soverom 3

Soverom 4

Soverom 5

Bad

Sofakrok

Leikerom

Teiknekrok

Velkommen til ei tradisjonell og sjarmerande hytte i vakre Holtaheia!

Dette er den perfekte hytta for deg som vil oppleva den ekte fjellhytte-atmosfæren i rolege og naturskjønne omgjevnadar. Her kan du senka skuldrane, nyta stillheita og koma tett på naturen.

Hytta har klassisk fjellhyttepreg, med rustikke detaljar som furugolv, rundtømmer og panel. I nyare tid er hytta oppgradert med moderne kjøkken, kjøleskap, vakuumtoalett, trådlaust internett og koseleg vedomn, slik at du får ei komfortabel og triveleg oppleving – utan at den autentiske hytte-sjarmen har forsvunne.

I første etasje finn du eit vindfang, toalett, bad, fire soverom og ei romsleg stove med open kjøkkenløysing.
I andre etasje ligg ein stor hems/loftstove, som er kombinert leikerom, opphaldsplass og soverom med queen-size dobbeltseng.

Merk at det ikkje er innlagt vatn og straum. Vatn finst berre i vasskran ute på terrassen, samt i vasskran på badet, og hytta sitt straumanlegg er i hovudsak 12-voltsanlegg, med éin ekstra 230-volts stikkontakt på kjøkkenet. Det finst eigen ladestasjon til mobiltelefonar, nettbrett og PCar. Komfyren og steikeomnen er gassdrivne.

Herifrå er det kort veg til Lauvåstjernet og Lauvåsvatnet. Det er mogleg å bada i begge desse, og det heng tre fiskestenger og nokre slukar på veggen ved bua. Det er mogleg å låna ein liten båt (Pioner 8), som ligg ved Lauvåsvatnet. Spør i så fall om dette ved bestilling.

I Holtaheia er det fleire merka turstiar, og rett utanfor hytteveggen går det mellom anna merka tursti til Midtknuten.

Startpunkta for turane til Preikestolen og Skomakarnibba ligg høvesvis 30 km og 50 km frå hytta.

Velkommen til fjells!